رواية جاء بعدما تعافيت الفصل الثالث 3 بقلم ضحي ابراهيم
شوية وجه زين
-ضحى ماما مالها
- للاسف مامتك اتعرضت لصدمة عصبية شديدة ودخلت في غيبوبة
- اي!!!!! غيبوبة و مي فين
- في الاوضة اللي جمبها اول ما عرفت أغمي عليها والدكتور اداها حقنه مهدئة وهي نايمه دلوقت
ضحى سابته وكانت ماشية بس فجأة زين مسك ايديها
- ضحى انا آسف انا...
صوت صفعة نزلت على وش زين
- دي عشان تفكر الاول انت بتتكلم مع مين انا مش واحده زبالة من اللي تعرفهم
وصوت صفعة تانيه على وش زين
- و دي عشان تعرف انك كنت اكبر كدبة في حياتي وهافضل اندم على اني سمحت لنفسي اني ادخل واحد زبال**ه وحي*وان زيك
سالته ضحى ومشيت و زين واقف مصدوم ومش مصدق كل اللي حصل دا لأنه أول مرة يشوف ضحى بالقوة دي
"مشيت ضحى وهي مستغربة ازاي قدرت تعمل كدا بس افتكرت زين والكلام اللي قاله ليها وقد اي هو جرحها "
روحت ضحى البيت بس سمعت صوت بتشبة عليه
- ماما عامله......
- اي دا اسلام يا نهار ابيض
- بنت خالتي والله ليكي وحشة كنتي فين كل دا
- مي ومامتها في المستشفى
- ليه بس يا بنتي اي اللي حصلهم
- مامتها يا ماما اتعرضت لصدمة عصبية شديدة وللاسف دخلت في غيبوبة ومي اول ما عرفت أغمي عليها
- ربنا يتم شفاهم ع خير يا رب نبقي نروح بكره يا بنتي
- ممكن اوصلكم يا خالتي
- طبعا يا حبيبي
............................
دخلت مامت ضحى تنام وضحى عملت قهوة ووقفت في البلكونة
- اه اخيرا بعد يوم تعب فعلا والله القهوة دي مزاج
- يا طفسة لوحدك
اتخضت ضحى
- مش تقول انت بتطلع منين يا اسلام
- هههههه😂😂لسه زي ما انتي
- اي مش عاجبك ولا اي
- انا اقدر اقول حاجه
- عامل اي واي سبب الزيارة السعيدة
- بصراحة خالتي وحشتني اووي اووي يعني
" اسلام كان بيقول كده وهو باصص على ضحى بس هي مكنتش ملاحظة "
- هي خطيبتك عامله ايه
- جيت عشان اشوفها يااااه فرح دي صابره عليا اووي😂
- انت ازاي هتعرفوا بعض طول ما انت في مكان وهي مكان
- مش ضروري الحب يبقي لحد ساكن في نفس المكان يكفي انها اللي واخده قلبي وعقلي
- يا سيدي يا سيدي عارف الحب على قد ما هو حلو وحلم جميل إلا إن وجعه وحش اوي لدرجة أنه ممكن يوصل أنه يدمر صاحبه
- زين عمره ما كان الشخص المناسب بس انتي اللي مكنتيش شايفه كده
- خلاص يا اسلام ارجوك أقفل على الموضوع
- ضحى انا...
- تصبح على خير يا اسلام
" ضحى سابت اسلام ودخلت اوضتها وقعدت تفتكر ذكرياتها مع زين وتعيط "
.......................
تاني يوم في المستشفى
صحيت مي
- ماما فين ماماااااا
دخل زين ومازن على صوت مي جري زين لمي عشان يحضنها بس
- ابعد انت السبب في اللي حصل لماما انا مش مسمحاك يا زين
راح مازن جمب مي ومسك ايديها
- اهدي يا حبيبتي مامتك هتبقي كويسه بس لازم تكوني قوية وتكوني جمبها
- انا ممكن اموت يا مازن لو ماما حصلها حاجه انا مش هقدر اعيش من غيرها
" قعدت مي تعيط "
بعد شوية دخلت الممرضة وطلبت أنهم يروحوا للدكتور لأن في حاجه مهمه
" قامت مي وسندت على مازن وراحوا للدكتور وزين معاهم"
- اتفضل يا دكتور
- انا طلبتكوا عشان مامتكم في غيبوبة ولازم تدخلوا شخص شخص وتتكلموا معاها المريض على الرغم من أنه في غيبوبة إلا أنه سامع اللي حواليه الشخص المقرب لوالدتكم هو اللي هيخليها تصحى اتفضلوا
..........................
دخلت مي في اوضه مامتها وهي بتعيط عشان شيفاها على الأجهزة
- اصحي يا ماما انا مي عارفة انا عرفت غلاوتك والله بس قومي انا حاسه اني بموت والله اصحي يا ماما انتي مش عايزه تشوفيني بفستان الفرح ولا اي قومي يا ماما انتي مش قولتيلي هتفضلي جمبي ومش هتسبيني مهما حصل
" قعدت مي تعيط بانهيار لا مامتها مش راضيه تصحى وخرجت "
- صحيت ؟؟
- لا يا مازن مش راضيه تقوم
انهارت مي من العياط واغمي عليها
انتقلت لاوضه وخدت حقنه مهدئة
ودخل زين لمامته بس.....
#ضحى إبراهيم
🌹جاء بعدما تعافيت 🌹
